أمــومـــة
مذكرات متأخرةحملي بسعد (١)
أهلا أهلا
كيف أصبحتم ؟
اليوم بدأت أكتب مذكراتي بحملي الأول
وحابة أبدأ من بداية حملي وممكن يستمر
التدوين لين يكبر حنزل ان شاء الله كل
اسبوع أبرز المواقف واللحظات اللي
مرت علي وممكن كلماتي ما تكفي أعبر
عنها , طولت عليكم بس يلا نبدأ .
بيوم من الأيام رحت بيت جيراني و جالسة معاهم
الا وتقولي امهم : انتي حامل قلت 🤔
أنا : لا 😶
جارتي : الا حللي وبتكوني حامل 😉
أنا : حللت من اسبوعين وما ظهر شي 🙄
جارتي : وجهك زي بناتي صدقيني حامل 🤰🏻🤰🏻
أنا : لااا وجهي تعبان من الربو مو حمل 😌
فترتها كان فيه غبار في جدة و كنت أحس بكتمة
المهم
هيا مصرة وانا نفس الشي لين قلت خلاص حتأكد
في نفس الاسبوع رحت مستوصف قريب مننا
أول مرة أدخله ودخلت عند الدكتورة وكل ما
تقول لي عرض من أعراض الحمل أقول لها
ايه عندي ولين خلصت قالت نتأكد بالتحليل .
رحنا نحلل و انتظرنا مرة كثير اول شي التأمين
و بعدها انتظار النتيجة وانا ابد مو على بالي شي
ما كنت ١٠٠% مستعدة للخبر .
لمن نزلت النتيجة قالو مبروك حامل .
وقتها منجد كانت لخبطة مشاعر فرح وخوف ... الخ
حسيت اني مرة تفاجأت بالرغم ان كلام
جارتي وأسألة الدكتورة كان تمهيد لي ..
بس نفس اللحظة اللي يقولو لك فيها انه اكيد
مختلفة عن كل لحظات الشك اللي مريت فيها
الحمدلله تقوليها من كل قلبك :"
نزلت السيارة وبدأت أبشر أهلي وأهل زوجي
الكل كان فرحان عماته زغرطوا واجداده انبسطو
+" لا تقولو لأحد لين يثبت " < انتو زينا ؟
الحمدلله يارب التمام
يارب التمام
مشاعر جميلة 😭😭😭❤️
ردحذف