مبادئ التصميم

تدوينة جديدة من صديقة المدونة تهاني الترجمي @Tahanimade عن مبادئ التصميم أترككم معاها

في التصميم الجرافيكي فيه مبادئ للتصميم لازم نراعيها وعادة المبادئ هذي تقدر تحدد اذا المصمم محترف أو لا

لما انت تهتم بمبادئ التصميم ف هذا يعني ان تصميمك
 اللي قاعد تسويه وراه مضمون ايش ما كان العمل سواء
 كان بروشور ، ملصق ، موقع ويب الخ .  #1 الخط - font واحد من أهم العناصر الأساسية في التصميم هو الخط نقدر نستخدمه لاضافة نمط او تقسيم المساحات بسبب تكوينه لحدود حول عناصر التصميم الثانية او يفصل بينهم
فيه عندنا الخط المستقيم والمنحني والمتقطع وفيه اشكال كثير ممكن نسويها بس بخط

نقدر نخلي الخطوط بأطوال وأشكال واتجاهات مختلفة

وهنا الشعار مختلف شوي عن اللي قبل بس كمان نفسه مكون 

من خطوط هنا تحكم بستروك الخط ف شكل عندنا هذا الشكل الحلو

هنا الشعار مختلف شوي عن اللي قبل بس كمان نفسه مكون من

 خطوط هنا تحكم بستروك الخط ف شكل عندنا هذا الشكل الحلو

بعض التصاميم الفنانة اللي مسوينه بس بخطوط 

شوفو كيف اهتموا بالتوازن وميلان الخط ودرجة
الميلان وشوفوا ايش الجمال اللي شكلته الخطوط

       








 2#

 المحاذاة - Alignments

المحاذاة تخلي التصميم أكثر وضوح وترتيب

وتسمح بعد انها تخلي العناصر مرئية بين بعضها

وبعد تزيد من قوة التصميم! 

وتشيل التأثير العشوائي للتصميم 

المحاذاة وحدة من أبسط واهم مبادئ التصميم
 تسمح اننا ننظم العناصر ببعضها .

فيه عندنا نوعين من المحاذاة :

- محاذاة الحواف edge alignment 

-المحاذاة المركزية center alignment

محاذاة الحواف اما تكون على اليسار
او اليمين او فوق او تحت

والمحاذاة المركزية تكون محاذاتها بالوسط
 سواءً عامودي أو أفقي

ونقدر نسوي Alignments عن طريق ال Grid ( الشبكة ) 

افقية وعامودية او افقية لوحدها وعامودية لوحدها

     


وهي اننا نسوي شبكة غير مرئية يعني م تكون
من محتوى التصميم وهذا مثال عليها







3#
 التوازن - Balance

قد شفت تصميم اعجبك بس بنفس الوقت تحس فيه غلط !
 ولا تعرف ايش ممكن يكون هذا الغلط ؟! 
عادة يكون هذا غلط من المصمم انه م اهتم بالتوازن
 فعشان كذا تحس نقص بالتصميم 
تعالوا نعرف ايش هوا التوازن !Balance



التوازن هو التوازن المرئي للعناصر في التكوين ,
 نستخدمه عشان نخلي التصميم اكثر استقرارية ,
 ويساعد على تركيز التصميم.
فيه عندنا ثلاث أنواع من التوازن :
- Symmetrical Balance |  توازن متماثل
- Asymmetrical Balance | توازن غير متماثل
- Radial Balance | توازن شعاعي 


Symmetrical Balance |  توازن متماثل
نبسط لكم المثال لوهذي الفراشة قسمناها نصين
 راح يكون النصين متماثلين صح؟
 كأن الجزء الأول مراية للجزء الثاني،
مو شرط تكون متماثلة بالـ سم لا ممكن تكون متاشبهة
 في اللون والحجم والشكل وغالبا هذا التصميم نستخدمه
 بالتصاميم اللي نبي يكون فيها طابع رسمي .






Asymmetrical Balance | توازن غير متماثل
هذا النوع نستخدمه اذا جينا بنوازن حجم نص كبير على اليمين
مثلا مع خطوط صغيرة على اليسار  ، هذا التصميم لو جينا قلبناه
 ممكن يسبب توتر بالتصميم ويبان انه مو متوازن لكن بالشكل
الطبيعي متوازن  ، نستخدمه لما نحاول نسوي تصميم مو رسمي







Radial Balance | توازن شعاعي
العناصر بالنوع هذا كلها تتوازن حول نقطة المركز
بمجرد النظر نقدر نحدد اذا متوازن حول المركز او لا !



     


4#
التكرار - Repetition
نستخدم العنصر مرة ؟ مرتين ؟ ثلاثة ؟
 محد يمل يعني لو يشوف نفس العنصر تكرر ؟
 اي طبيعي راح يملون اذا كانت طريقة التكرار مو مدروسة 
 بس ترا نقدر نخلي التكرار مريح أكثر من انه ممل كيففف ؟



اول شي خلونا ناخذ نظرة قريبة له : ايش هوا التكرار !
 التكرار انك تستخدم عنصر اكثر من مرة اوكي ؟
وايش الهدف منه ؟ عشان نخلي التصميم ماشي على
 سياق واحد وكمان بيقوي التصميم ويكون لنا تسلسل نمشي عليه


اذا قدرنا نحقق هذي الاهداف بالتصميم ف راح نتأكد
ان الرسالة اللي نحاول نوصلها منه راح توصل بشكل اوضح
 تلقطها وهي طايرة

التكرار يخليك تمشي أعمى كل م شفت شي تتحمس
 تكمل عشان فيه نمط ماشي عليه طيب ممكن مثال ؟
شوفوا الصورة هذي وتفهمون عليّ


وين ممكن نلاقي التكرار  ؟ 
التكرار بالشعارات : غالبية الشعارات هي عبارة
عن تكرارات لنفس العنصر نفس النقوش اللي عليه و
 كمان نفس النمط ، طبعا م راح يكون صدفة نسوي
شعارويطلع معنا كذا لازم نتبع الاساسيات الخاصة فيها
 وهنا أمثلة لشعارات مشهورة عالميا استخدمت التكرار





التكرار موجود بكل مكان بس هذا كان مثال وممكن نلاقيه بالمنشورات
والكتيبات الصغيرة مو شرط هذولي بعد فيه اكثر !الخلاصة :


اذا جيت بتسوي تكرار اسأل نفسك كيف راح يكون التكرار ؟
 ايش هيا العناصر اللي تحتاج تكرار ؟
هل فيه نمط ماشين عليه وقت التكرار او لا ؟
وكيف ممكن تحسن من مستوى التصميم .

وبس بكذا انتيهنا وان شاء الله تكونون فاهمين ✅👏🏼